વિરહ ચીંધે મારગ સત્યનો

વેદના આ વિરહ તણી પણ, મારગ ચીંધે સાચો મને

વિરહ બાદ જ પ્રભુ સમપર્ણનો, માર્ગ લાગે હવે સાચો મને,

 પ્રેમનાં એક બુંદ માટે તડપતાં રહ્યાં સદા જૂવો આ માનવી,

હૃદય ભીતરે સાગર પ્રેમનો, વહેતો રહ્યો એ ન સમજાયું મને,

વિરહ બાદ જ પ્રભુ સમપર્ણનો, માર્ગ લાગે હવે સાચો મને

લાખ કરો વહાલ જગતમાં, તોય શું છોડી શકે છે જગતમાં,

બસ એક જ નિસ્વાર્થ પ્રેમનો, આ મારગ લાગે છે સાચો મને

વિરહ બાદ જ પ્રભુ સમપર્ણનો, માર્ગ લાગે હવે સાચો મને,

માર્ગ ચિંધતો સદા મૌન રહી, ભીતરથી એના ઉપકાર અનેક

છતાંય માનવ તો સ્વાર્થી, ભૂલનાર હોય એ સમજાયું મને,

વિરહ બાદ જ પ્રભુ સમપર્ણનો, માર્ગ લાગે હવે સાચો મને,

ભીતર છલકે પ્રેમધારા અપાર તોય, માનવ શોધે બહાર

ઝલક મળી વિરહ વેદના બાદ, તો સત્ય હવે સમજાયું મને,

વિરહ બાદ જ પ્રભુ સમપર્ણનો, માર્ગ લાગે હવે સાચો મને,

'રાજ' માનું ઉપકાર ઘણો એનો, જેણે મારગ પકડાવ્યો સાચો મને

બસ હવે તો નીરખું જે તરફ, હૃદયે આનંદ છલકતો લાગે મને.