વિધવા ભાગ-૨ દિલાસો દેજો

(રાગ-સત્‍સંગમાંથી રજા લઈને)

કરમ સંજોગે વિધવા બની,

તૂટી પડયું છે આભ એના પર,

હિમ્‍મતના બે શબ્‍દ કે'જો,

જઈને સૌ દિલાસો દેજો.

સુખનાં જે વાદળાં હતાં.

એ વાદળો વિખરાઈ ગયાં,

વસંતની ખીલી'તી મોસમ,

ત્‍યાં પાનખર પથરાઈ ગયા;

ઉજ્જડ વનમાં ભટકતી

એના સંગાથે કદી' રે'જો,

સંસારમાં હજુ પગ માંડયો'તો

એ પગ એનો લપસી ગયો,

કનૈયા જેવો જેનો પતિ હતો

એ પતિને કાળ ભરખી ગયો;

એ કરૂણ કલ્‍પાંત કરતી,

એના દુઃખને તો ઘ્‍યાને લેજો,

ચંદ્ર આજે ઝાંખો થયો,

ને સૂર્યનું તેજ હણાઈ ગયું,

ખીલ્‍યું'તું ફૂલ બાગમાં,

એ અચાનક કરમાઈ ગયું;

વિધવા બની એ દુઃખી થઈ

એને હિમ્‍મત દેતા રે'જો.