વિધવા ભાગ-16 વિધવા વિવાહગીત-પ

(રાગ-પરણ્‍યાં એટલે પ્‍યારાં લાડી...)

વિધવા બની ફરીથી સધવા,

     ભગવાન તેમને ફળ્‍યા રે;

પતિદેવ તેને રૂડા-રૂપાળા

     પ્રભુનો અવતાર મળ્‍યા રે.

આગલા સસરા પ્રભુ સમાન,

     વહુના બાપ બની રહ્યા રે;

સાસુજી તેમનાં માતા સમાન,

     વિદાય દેતા આંસુ વહ્યાં રે.

દેવો તેનું મોસાળ બની આવ્‍યા,

     મામેરું ઘણું બધું લાવ્‍યા રે;

ભાણેજ હોંશે હોંશે પરણાવી,

     સુખનાં બીજ ફરી વાવ્‍યાં રે.

ગામ આગેવાનો કુટુંબી થયા,

     કરિયાવર રૂડો કર્યો રે;

નવા સુધારાનો વિચાર રૂડો,

     સૌ લોકોએ ઘ્‍યાનમાં ધર્યો રે.

એક ડગ જાણે આકાશે માંડયું,

     સૌના હૈયે આનંદ ભર્યો રે;

એક માત્ર નાના વિચાર થકી,

     વિધવાનો ભવ સુધર્યો રે.

રૂડો અવસર પોતાનો ગણી,

     આ ગામ આખાએ મનાવ્‍યો રે;

જગતમાં જેને ખબર પડી,

     બધાએ પ્રસંગ વધાવ્‍યો રે