વેચી દઉં
વેચી દઉં
હું મંઝિલ ખરીદું ને સફર વેચી દઉં,
ચાલ આજ ખુદનો હું હુનર વેચી દઉં,
મધુર યાદોના બાળપણને ખાતીર,
બાળક થવા માટે હું ઉંમર વેચી દઉં,
ખબર લઈ લઉં મારા સપનાઓની,
અરે ! દવા દેખાડી હું ઝહર વેચી દઉં,
જમીંની આ મહોબ્બત છે કાફી ?
ફલકમાં જઈને હું પર વેચી દઉં,
વિશ્વાસ છે મને ચાંદની રોશની પર,
તો શા માટે અંધકારને હું નઝર વેચી દઉં,
"નાના" અજીબ છે આ પ્રસિદ્ધિની જિદ,
એટલી કમાણી કરું કે હું ઘર વેચી દઉં.