શું થશે
શું થશે
બદલાઈ રહ્યા છે રોજે રોજ રીતિ-રિવાજ અહીં,
ચિંતા એ જ કે આવતીકાલના સમાજનું શું થશે ?
દિલો દિમાગનાં બીમાર ગલી ગલીએ ભટકાય,
બસ એ જ કે સ્થાપવું હતું એ કલ્યાણરાજનું શું થશે ?
રગોમાં લોહી ઓછું ને દબાણ થોડું વધારે ભારી,
હવે એ જ કે છેવટે આ બીમારીનો ઈલાજ શું થશે ?
બાગ તો આખો લહેરાયો ખુશ્બુદાર વાયરાથી,
નજર એના પર જ કે ફૂલનાં ચૂંટાયા પછી શું થશે ?
ખૂણે ખૂણે ગભરાહટ તનાવનો જ માહોલ સર્જાય,
આજ તો અહીં હરકોઈ સવાલી તો પછી શું થશે ?
બદલાઈ રહ્યા છે સત્તાધારીઓના જુબાની બયાનો,
"નાના"ને પ્રતીક્ષા એ કે આવનારી સત્તાનો મિજાજ શું થશે ?