ખુદા કહે...

ખુદા કહે છે, મને રબ તરીકે માનીને તો જો,

બધું જ નચિંત તારા માટે ના કરી દઉં તો કહેજે,

ખુદા કહે છે, મારી રાહ પર ચાલીને તો જો,

બધી જીવન રાહ તારી ના ખોલી દઉં તો કહેજે,

ખુદા કહે છે, મારા માટે જરા લૂટાવીને તો જો,

બધા ખજાના તારા પર ના લૂટાવી દઉં તો કહેજે,

ખુદા કહે છે, મારા ડરથી આંસુ વહેવડાવી તો જો, 

મગફિરતના દરિયા તારા માટે ના વહેવડાવી દઉં તો કહેજે,

ખુદા કહે છે, મારા માટે વફાની લાજ નિભાવી તો જો, 

આપવામાં તારા માટે કોઈ સીમાકન ના કરી દઉં તો કહેજે,

ખુદા કહે છે, મારા નામનું બહુમાન કરીને તો જો, 

આબરૂ તારા માટે પરાકાષ્ઠાએ ના પહોંચાડી દઉં તો કહેજે,

ખુદા કહે છે, મારા પર લાગેલ છિદ્રાન્વેષણ ખમી તો જો,

ભલાઈની હદ "નાના" તારા માટે પાર ના કરી દઉં તો કહેજે.