નહીં
નહીં
બહસ થઈ હતી જોરદાર પરંતુ ધારદાર નહીં,
એક હંગામો થયો હતો પરંતુ એ પણ અસરદાર નહીં,
બોલવામાં તો હતો એક નાઈલાજ આમિલ,
સાંભળવા વાત બીજાઓની એ જરાય તૈયાર નહીં,
તમાશાઈ હતો એક સલાહકારના સ્વરૂપમાં,
સારું એ થયું કે દર્શકના એકેય હાથમાં તલવાર નહીં,
ગુફતગુ કરવાના અંદાજથી થઈ ગયા બધા માહિતગાર,
હકીકત એ છે કે વ્યક્ત કરનાર જરાય ખબરદાર નહીં,
કાન લગાવી સાંભળવાની ક્યાં કોઈને છે ફુરસત,
ફરી પાછું એવું પણ નથી કે હર કોઈ બેકાર નહીં,
પેશ કર્યા અમે તમામ બે-ગુનાહીના પુરાવાઓ,
વાકેફગાર થઈ કહેવા લાગ્યા કોઈ ગુનેગાર નહીં,
કરાહત તો "નાના"ને પણ થાય જવાથી ત્યાં,
જ્યાં મહેફિલમાં બેસનાર કોઈ જરાય સમજદાર નહીં.