કદાચ

રણને પણ હૈયે હશે કદાચ આશ,

એને પણ હશે કદાચ બાગ બનવાની પ્યાસ,

રણને પણ હશે એક આશ,

એની કુખમાં ઉગે ગુલાબ કાશ !

શમણું પૂરું થયું નહિ એનું કદી,

એટલે જ એ બહુ તપતું હશે કદાચ,

શમણાંઓ તૂટ્યા હશે એના કદાચ,

એટલેજ વરાળ બની રડતું હશે રણ કદાચ,

ઘણા પ્રયાસો છતાં સફળ નથી થતું રણ કદાચ,

એટલે જ ગુસ્સો વંટોળ થકી ઠાલવતું હશે રણ કદાચ,

રણને પણ હૈયે હશે કોઈ આશ કદાચ,

એને પણ મહેચ્છા જાગતી હશે ફૂલ ખીલવવાની કદાચ,

ગુસ્સામાં જ બપોરે ધોમધખતું હશે રણ કદાચ,

વળી સાંજે ગુસ્સો શાંત થતાં ઠંડુ થઈ જતું હશે રણ કદાચ.