વૈભવ વસંતી દીકરી

સંસારની ઉત્તમ ગઝલનો પ્રાસ છે આ દીકરી,

સમજાય સાચી વાત તો, અજવાસ છે આ દીકરી,

ઓઢે ઉદાસી આંગણું ! કરમાયજો એ કૂખમાં,

ભારો ગણો કા સાપનો ? સુવાસ છે આ દીકરી,

વૈભવ વસંતી દીકરી ! શણગાર સારી સૃષ્ટિનો,

સંજોગ સામે ઝૂકશે ના, ખાસ છે આ દીકરી,

કરતી રહે છે લાડ સૌને, સ્નેહનું ઝરણું બની,

કુબેરના ભંડાર સરખી, રાશ છે આ દીકરી !

કટકો ગણી લો કાળજાનો, ભેદ કરશો ના કદી,

છે ભવિષ્ય નિધિ 'શ્રી' કાલની, ઉજાસ છે આ દીકરી.