ઊગ્યો દિવસ

ઊગ્યો દિવસ આજે શુકનવંતો, હૈયે મારે આજે હરખ ના માતો, 

રમવાને આવ્યા હું ને સહેલીઓ, જો ને મારી અંબા ગરબે રમે,

શંખલપુર ગામે બિરાજતી, આવી પૂનમની રઢીયાળી રાતડી,

રમવાને આવે લક્ષ્મીનારાયણ....જો ને મારી અંબા..

નવલ કસુંબી રંગ રેલાયો, અંબિકાવનમાં વનરાઇ ખીલી છે,

રમવાને આવ્યા બ્રહ્માણી....જો ને મારી અંબા..

પાયલના પગલે ને ઘૂઘરીના રણકારે, મેં તો સજ્યા આજ સોળ શણગાર રે,

રમવાને આવ્યા શિવજીને પાર્વતી.... જો ને મારી અંબા..

દુ:ખિયાના દુ:ખ દૂર કરે, લંગડાનેય તું ગરબે રમાડે, આનંદનો ગરબો હું તો ગવડાવું....જો ને મારી અંબા ગરબે રમે.