કલાપી મળે

મૂકી શકાય આંખો મીંચી આંધળો ભરોસો,

ચાલ શોધું હું એવું, કોઈ સુખનું સરનામું મળે,

ફંફોસ્યો એ આશાઓનો મેં રાખ તણો બળાપો,

કદાચ કોઈક તણખામાં હજી આગ બાકી મળે,

ભલે હો, ખોવાયો એ સંબંધ સદીઓ પુરાણો,

કદાચ તિમિર તળે કોઈ યાદ હજી તાજી મળે,

જીવનની યાદોને સમેટી લઉં મનની મંજુષામાં,

બસ, નામ લઉં તારું, ત્યાં તારો જ ઉલ્લેખ મળે,

ટહુકે ટહુકે શોધું, આશાઓનું અજવાળું લઈ,

ક્યાંક કુંજગલીમાં કેકારવ કરતો કોઈ કલાપી મળે.