ઉત્તરાયણ

મનભરી આજે તમે સૌ પતંગ ચગાવજો,

દિલથી ઉત્તરાયણ પર્વની સૌ ઉજવણી કરજો.

બોર, ચિક્કી, શેરડી, જલેબીનો આનંદ માણજો,

પછી જીવનભર તમે મીઠી મધુર વાણી રાખજો.

સંબંધોમાં ક્યારેય આવે ન કોઇ કડવાશ,

એવા કિન્ના તમે આજે દરેક સંબંધ હારે બાંધજો.

'હું' નામના અહમને અંતરમાંથી હટાવજો,

પ્રેમ ભર્યાં હૈયે હર કોઈને દિલમાં વસાવી લેજો.

કોઈ સાથે ક્યારેય દાવપેચ ન કરજો,

સંબંધ સાચવવા ગૂંચવાયેલા પેચને દૂર કરજો.

પતંગ ચગાવવા જેમ ઢીલ-ખેંચ તમે કરો,

એમ સંબંધો સાચવવા થોડી ઢીલ-ખેંચ કરજો.

ઈર્ષાના જીવનમાંથી પેચ કાપી નાખજો,

કહે 'અજીજ' તકેદારી રાખીને તહેવાર મનાવજો..

મકરસંક્રાંતિ પર્વની હાર્દિક શુભેચ્છાઓ