તું ક્યાં ખોવાઈ ગઈ ?
તું ક્યાં ખોવાઈ ગઈ ?
1 min
265
સંધ્યાની લાલિમા ઓઢી અપાર સૌંદર્યને પામતી,
ઊગતાં સૂરજને તેજે ક્ષણવારમાં અલોપ થતી,
હે મોહક ચાંદની ! તું ક્યાં ખોવાઈ ગઈ ?
મધરાતે પર્ણો પર સુંદર ચાદર સમી પથરાતી,
પ્રથમ સૂર્યકિરણ સંગ સંતાકૂકડી રમતી એવી,
હે ઝાકળની બૂંદ ! તું ક્યાં ખોવાઈ ગઈ ?
શૈશવનાં ભોળપણને છોડી કૌમાર્યની ઝાંખી કરાવતી,
ઘડપણ રૂપી ચક્રવ્યૂહમાં મંદ મંદ ઘરકાવ થતી એવી,
હે ચંચળ યુવાની ! તું ક્યાં ખોવાઈ ગઈ?
સુખદુઃખ ભરી અનિશ્ચિત ઘટમાળ છે જીવનની,
એમાં ડગલે ને પગલે સતત વિચલિત થતી એવી,
હે મનની શાંતિ ! તું ક્યાં ખોવાઈ ગઈ ?