ટપાલ

આપણી ઈચ્છા થીજી ગઈ જ્યારથી ટપાલ બંધ થઈ છે,

ઘણી ઈચ્છા ત્યાંની ત્યાં રહી ગઈ ચિઠ્ઠી બંધ થઈ ગઈ છે. 

ઘણાં સ્વપ્નો તૂટ્યા આ સોશ્યલ મિડીયાના ભોગે,

ઘણાં લખવાનું ભૂલી ગયા, ટપાલ આમ જ ખોવાઈ છે.

એકજમાનો હતો, ઘણો કલશોર રહેતો પોસ્ટ ઓફીસે,

આજે ઉત્પાત છે મનમાં ઘણી ધાંધલ મચી ગઈ છે.

ભાવના ભર્યા એ સંદેશાઓ ગાયબ થયા આપણી વચ્ચે,

ભાવ વિસારી દેખાડો કરવાની નવી રીત બની ગઈ છે.

ઘણું લખવું છતાં પણ કંઈ નથી લખાતું જ્યારે,

ઘણી બધી આમ જ દિલની વાત દિલમાં રહી ગઈ છે.