તારી મારી કહાની

કિસ્મત પણ શું તારી મારી કહાની રચાવી ગઈ,

જ્યારે જરૂર હતી ત્યારે તું જીવનમાં આવી ગઈ.

હાથમાં આપી હાથ મારામાં વિશ્વાસ જગાવી ગઈ,

લાગણીઓની હેલી કેવી હોય? એ બતાવી ગઈ.

અખૂટ શબ્દોથી આપણી અતૂટ કહાની લખાવી ગઈ,

બંધનમાં પણ પ્રેમ વિકસાવીને એ સમજાવી ગઈ.

તકરારમાં પણ આ જીવનના કરાર લખાવી ગઈ,

જીવનના વિધ્નોને પાર કરી ખુશીઓ બતાવી ગઈ.

'અહં બ્રહ્માસ્મી' નું ગુમાન પણ ઉતરાવી ગઈ,

જ્યારે તકલીફોમાં પણ એ સાથ આપતી ગઈ.