તાંડવ શમી જશે

જો ધ્રુજ્યો હિમાલય લીલોછમ

ને વાટે વેરાય એવરેસ્ટ શિખર

શબ્દ ધરાશાયી ને ખંડેર

દે ખબર…

ભર્યા છે ઉકળાટ જ અંદર..

ઝેલ તું.

કેમ કહેવું કે..આ કાળની થપાટ છે !

અશ્રુની રેલી વદે..રડે

જેના પર આવી પડે…

તેને જ ખબર પડે..

કે શું વીતે !

વિજ્ઞાન ખોલે ભેદ ઊંડો…

ખસે છે તારી ભૂગર્ભ પ્લેટો..ને તું છે જ નિરાધાર….

ક્યાં જવાનો ?

આ ધરતીકંપ છે ! …ઊર્જાના આ ઉભરાટ છે !

ઝેલ તું !

ઝીલ સંવેદનાને ઊભો થા..બચ્યો છે તો !

અડચણો સામે સરિતા જેમ વહેતો જજે..

સાથ મળશે તને સાગર થવા…

કાળને ક્યાં થોભવું છે…જાળવી લે જો આ ક્ષણ

આ ખંડહરોય ટહુકશે..

ને આ તાંડવ શમી જશે.