Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Shardul Dave

Tragedy


4.8  

Shardul Dave

Tragedy


તાળું ચાવી

તાળું ચાવી

1 min 238 1 min 238

દસ વર્ષ પહેલાં,

પાડોશીના દરવાજા ખોલવા હતાં સહેલાં !


ના કોઈ ડોર બેલ, ના કોઈ બારણે ટકોર,

ના કોઈ ફોન કોલ, ના કોઈ બૂમ ને શોર ! ! !


જ્યાં આવ જા કરતા રહેતા મન ફાવે તેમ,

જ્યાં રમો, જમો, આળોટો ને સૂઈ પણ જાઓ, પોતાના જ ઘરની જેમ !

બે ઘર વચ્ચેની દિવાલો ફક્ત એક ભૂલ લાગે,

એક ઘરમાં આવે સંકટ તો બેઉ ઘર સાથે જાગે !

બરફ, અનાજ ને કરિયાણું અગણિત વસ્તુઓ માંગે,

જ્યાં ડિલ અલગ ને દિલ એક જ, મસ મોટો પરિવાર લાગે !


સવારના સારા નાસ્તાની આપ લે,

બપોરના વાતોનો ભંડાર

સાંજ પડે ને ઓટલા પરિષદ,

બસ એમજ ચાલતો સંસાર !


ક્યારેક તહેવારોની ઉજવણી

ક્યારેક દુઃખમાં પકડાતો હાથ,

તડકી છાંયડી ભલે બદલાતી

પાડોશીનો કાયમ રહેતો સાથ !


સંકોચ ને જ્યાં સ્થાન નહીં,

ખોટા જ્યાં અભિમાન નહીં,

એકબીજાનું વાપરીએ ને,

તોય કહેવાય એ ઉધાર નહીં !


પણ આ તો,

દસ વર્ષ પહેલાં . . .

દસ વર્ષ પહેલાં,

પાડોશીના દરવાજા ખોલવા હતાં સહેલાં !


ને હવે ?!

હવે તો બસ દેખાદેખી જ છે !


હું અમીર તારાથી કેટલો !? એ જ જીદ સચવાય છે !

મારી ગાડી મોટી છે, તે વાત ઘમંડથી કહેવાય છે !

'પહેલું સગું તે પાડોશી', તે વાત હવે વિસરાય છે !

પાડોશી હોય ઘરમાં તોય બારણે તાળું બંધાય છે !


ને વહેવારના નામ પર,

એ જ લટકતાં તાળાંની ચાવી એકબીજાને ઘેર અપાય છે !


શું લાગે છે એ ચાવીઓથી પડોશીઓના હૃદયના દ્વાર ખૂલશે ?


Rate this content
Log in

More gujarati poem from Shardul Dave

Similar gujarati poem from Tragedy