Library
Profile
સુપર પાવર
સુપર પાવર
હે પ્રભુ એક સુપર પાવર આપ ને,
કે હું સૌ કોઈને હસાવી દઉં ;
બે પળની ખુશી આપી ને,
એમના સપના ભૂલાવી દઉં !
અહીંયા ગલીએ ગલીએ દુઃખી,
ને ઘેર ઘેર દિલ તૂટેલા છે,
દરેકની ઈચ્છાઓ અધૂરી
ને ઈરાદાઓ પૂરા છે !!
કોઈ ને જોઈએ વિદેશના વિઝા,
ભલે સ્વદેશમાં એ થૂંકતો હોય !
કોઈ ને પૈસો જોઈએ વધારે,
ભલે ભોજન ભરપેટ જમતો હોય !
કોઈને નોકરી જોઈએ પાક્કી,
ભલે કોલેજમાં ના ભણતો હોય !
કોઈને જોઈએ સુંદર જીવનસાથી,
ભલે એ ટીંડર રોજ ચેક કરતો હોય !
ને કોઈને જોઈએ સરસ શરીર,
ભલે આઠ વાગે ઉઠતો હોય !
કોઈને જોઈએ લાંબી ગાડી ને ઘર,
ભલે પરિવાર છોડીને રહેતો હોય !
હે પ્રભુ એક સુપર પાવર આપ ને,
કે હું સૌ કોઈને હસાવી દઉં ;
બે પળની ખુશી આપી ને,
એમના સપના ભૂલાવી દઉં !
ગઈકાલની વાતો વાગોળે આજ,
આવતી કાલની ચિંતા કરે આજ,
કામકાજ કંઈ કરે નહીં,
ને સમજે પોતાને બાજ !
ઘમંડ એમની મહેનત રોકે,
મોઢા ફૂલાવે જો કોઈ ટોકે,
આટ-આટલું આપ્યું છે,
તોય માંગતા ના આવે લાજ !
એક મળે તો બે માંગે ને બે મળે તો બાવીસ,
બાવીસ મળે તોય મોઢું વિલું હવે માંગે એ સત્યાવીસ !
વાત હું પણ સમજું છું કે ઓછા જ પડશે એમને લાખ,
માણસનું મન જ એવું, નથી એનો કોઈ ઈલાજ !!
એટલે જ તો કહું છું,
હે પ્રભુ એક સુપર પાવર આપ ને,
કે હું સૌ કોઈ ને હસાવી દઉં ;
બે પળની ખુશી આપી ને,
એમના સપના ભૂલાવી દઉં !
