સ્વર્ગ
સ્વર્ગ
સ્વર્ગની વાતો આસ્થા કેવળ
દુન્યવી માયા હકીકતે અહીં
અવકાશી વાતો કરી મસ મોટી
નર્ક લાવ્યાં પછી જગ ઉપરે,
પૂર્વ જન્મની કપોળ કલ્પના
મર્યા પછી લટકાવ્યું પૂળો ગાજર
જિંદગીની વાતો કરી અદ્ધરતાલ
ન ભણ્યા કે ભણાવ્યા કોઈને
જીવનના દેખીતા સારને,
ભણાવ્યા કેવળ સૌને ઊઠા
પાપ પુણ્યની બીક બતાવી
વિજ્ઞાનને અદ્ધર લટકાવ્યું,
સ્વપ્ન્ન બતાવી સોનેરી
લૂંટ્યું ધન ધોળે દહાડે
સ્વર્ગની વાતો આસ્થા કેવળ
મેલ ડગલું જમીન ઉપરે
ના સ્વર્ગ છે ના નર્ક,
જે છે તે અહીં નજર સામે ઊભું
જીવ ને જીવવા દે ભય મુક્ત થા
તું જ તારો કરને ઉદ્ધાર
ના સ્વર્ગ છે ના નર્ક
જે છે તે અહીં નજર સામે ઊભું.