સ્વપ્ન

છૂટાં છવાયાં શુભ્ર વાદળોથી શોભતું,

સૂર્યકિરણ તણી આભાથી ઝળહળતું,

મદમસ્ત વિહંગ તણાં કલરવથી ચહેકતું, 

વિશાળ ગગન એ જ મારું સ્વપ્ન,

ઢળતાં સૂર્યની લાલિમા થકી આભમાં પાંગરતું,

પ્રકૃતિનાં સૌંદર્યમાં બમણી અભિવૃદ્ધિ કરતું,

રાત્રિના તિમિરમાં સમાઈ એકાકાર થતું,

સંધ્યાનું સુંદર રૂપ એ જ મારું સ્વપ્ન,

સુખદુઃખની ઘટમાળથી અવિરતપણે ચાલતું,

શૈશવ, યુવાની ને ઘડપણરૂપી પડાવોથી ઓપતું,

અનિવાર્ય ને સુનિશ્ચિત સમય સાથે આગળ ધપતું,

શાશ્વત જીવન એ જ મારું સ્વપ્ન.