સુંવાળો સંગાથ

હાથ પકડી નાજુકાઈથી ચાલે છે તું,

સુંવાળો સંગાથ કેવો મળ્યો મને ?

લીલેરી લાગણીઓની રંગતમાં આવી,

દિલને ઝરૂખે સંવાદ કેવો આપ્યો મને,

મને સરગમનાં સંગીતમાં વહેતી કરી,

કોયલનો ટહુકો કેવો સંભળાવ્યો મને ?

યાદોની મહેફિલે સપનાંઓમાં આવી,

મધરાતે આવી કેવો ઝૂલાવ્યો મને ?

તારી સુંવાળપ મને ગઈ સ્પર્શી,

મનનાં મેળામાં કેવો જગાવ્યો મને ?

તારી નજરોનાં જામ અધરો સુધી આવ્યાં,

ને તારા અધરોએ કેવો છલકાવ્યો મને ?

"સખી" તારા આ તરબતર થતાં આલિંગનમાં,

બે દિલ એક કરીને કેવો ભીંજવ્યો મને ?