સરદારનું ગીત - ૮૩

સફળ સરદાર (ઈ,સ, ૧૯૪૯)

બરોડા મુંબઈ સાથે, તેઓએ ભેળવેલ રે;

ગાયકવાડને એમાં, મનાવવા પડેલ રે,

વિમાનઘરમાં તેઓ, ’ફેબ્રુ’માસે ગયેલ રે;

હૈદ્રાબાદ નિઝામે ત્યાં, છેલ્લીવાર મળેલ રે,

જોડાણખતનું કામ, હવે પૂરું થયેલ રે;

પછી એ બાબતે તેણે, હાશકારો કરેલ રે,

જોડાણે રજપૂતાના, રાજસ્થાન બનેલ રે;

ઉદ્ઘાટન કરી લેવા, સરદાર ગયેલ રે,

વચ્ચે વિમાનમાં થોડી, ગરબડ થયેલ રે;

મેનનને થતા ચિંતા, જયપુર ગયેલ રે,

સલામત નિહાળીને, જીવ શાંત પડેલ રે;

અભિનંદન આપીને, પૂરી વાત કરેલ રે,

હતો ચાલક ચાલાક, ઉતારેલ વિમાન રે;

મરામત કરી તેની, પછી કર્યું ઉડાન રે,

પછી મેનનને કહ્યું, ચિંતામાં ન પડાય રે;

રહેવું કરતા કામ, મને કૈં નહિ થાય રે,

કહીને આટલી વાત, હસેલ સરદાર રે;

તોયે મેનન આવ્યા ન, થડકથી બહાર રે,

ત્યાનું કામ પતાવીને, દિલ્લી પરત જાય રે;

બધું ભૂલી જઈ તેઓ, કામમાં લીન થાય રે,

સળગતી સમસ્યાઓ, હલ થઈ ગયેલ રે;

થડક ચીનની તોયે, મનમાંહે રહેલ રે,

નહેરૂ સાત ઓક્ટો.થી, વિદેશમાં ગયેલ રે;

નવે.ની પંદરે તેઓ, દેશ પાછા ફરેલ રે,

વડાપ્રધાનના હોદ્દે, રહેલા સરદાર રે;

ત્યારે સફળ સંભાળ્યો, દેશનો કારભાર રે,

કઠિન કામમાં તેઓ, થયેલ ન નિરાશ રે;

ખંતથી હર જગ્યાએ, પાથરે અજવાશ રે,

**

ઉમર વધતી જાય, શરીરે થાકતા ગયા;

અંતિમ વાટમાં તેઓ, આગળ વધતા ગયા.

(ક્રમશ:)