સો સો સલામ

સ્વાર્થ છોડી પરમાર્થ કાજે, કર્યા અનોખા કામ,

પૂતળીબાઈના જાયા, તમને સો સો સલામ !

અહિંસાના ધારક મોહન, સાચના સિપાઈ, 

સાદગીના પહેર્યાં વાઘા, તમને સો સો સલામ !

છૂત અછૂતને સમાન ગણી, ચરખો કાંત્યો જાતે,

નાતજાતના ભૂલાવ્યાં વાડા, તમને સો સો સલામ !

સાબરમતીના સંત અનોખા દ્રઢ નિશ્ચયધારી,

એકાદશ વ્રતો પૂર્ણ પાળ્યાં, તમને સો સો સલામ !

આત્મવિશ્વાસની પ્રબળ જ્યોતિ, સૂક્કલકડી કાયામાં,

મહાસત્તાના મૂળિયાં ઉખેડ્યાં, તમને સો સો સલામ !