સંબંધો
સંબંધો
ઝડપથી વહી જતાં જીવનમાં,
ધીરે - ધીરે નાટક ભજવતા - ભજવતા,
ક્યારેક હસવું તો ક્યારેક રડવું પડે છે.
આમ, રડતાં - રડતાં હસવું આવી જાય છે,
તો ક્યારેક હસતાં - હસતાં રડી પડાય છે.
વિચારું છું એકલતામાં જ્યારે,
એ વિતેલા દિવસો વિશે તો ખ્યાલ આવે છે,
કેટલું સાચું, કેટલું ખોટું રમી ગયા એ મિત્રો...!
ક્યારેક પોતાના તો ક્યારેક પારકાં લાગતાં એ સંબંધો,
તૂટ્યા છતાં જોડાયેલા છે હજુ પણ
નરી આંખે ન દેખાતા એ પાત્રો...!
યાદોમાં હજુ પણ ઝલક આપી જાય છે ને
ક્યારેક તો મળીશું એવી આશા બંધાવી જાય છે.
ઝડપથી વહી જતાં જીવનમાં.