ખાલીપો

તારું દૂર હોવું મારાથી

કચોટવું અંતર આત્માથી,

વિકસ્યા કરે ખાલીપો ને

કચવાયા કરે જાત,

શું મળી જાય તને

મારી આ તરફડાટ થી?

નિષ્ઠુર કેટલું નિષ્ઠુર

અંતે તો પુરુષ જ ને,

કચડી ને ચાલી જવાનું

સ્ત્રી કે લાગણી ની શી વિસાત?

ઉહ કે ચાંહ કરી પણ શકે?

માણસ થોડી છે કઈ

એ તો જાગીર ભાઈ જાગીર,

 દંભી પૌરુષત્વની

હૈયાફાટ આક્રંદ સ્વરે,

પૂછે રાખે સવાલો

દંભ ની દીવાલે ટકરાય

લાગણીના સવાલો,

અડીખમ ઊભો આ

શું પ્રેમની છે વિસાત,

એમ થોડી કઈ પિગળતી હશે શિલાઓ

એમાં પણ આ તો દંભનો પહાડ..

બસ આમ તારું દૂર હોવું મારાથી

ને કચોટવું અંતર આત્માથી