તારામાં

મારા ચાંદ સમાન ચહેરાને છૂપાવી લે ને !

તારા વિશાળ બાહુપાશમાં,

મારા શ્યામવર્ણા કેશની મહેકને ભરી લે ને !

તારા મહેકતા શ્વાસમાં,

મારા મધુર ગાનના ગુંજને ખનકવા દે ને !

તારા પ્રિય કર્ણમાં,

મારા હોઠોની મુસ્કાનને સજાવા દે ને !

તારા ગોરા ગાલોમાં,

મારી અનોખી અદાઓને ભરી લે ને !

તારી ચમકતી આંખોમાં,

મારા જીવનના આનંદને આશરો દે ને !

તારા આનંદી જીવનમાં,

બસ, હવે તો મારી દુઆઓને પાથરવા દે ને !

તારા જીવનપથમાં.