સમજાતું નથી

શું કહેવું ? શું કરવું ? કશું સમજાતું નથી,

કેટલાય રહસ્ય જીવનના એવા છે જે ઉકેલાતા નથી.

લાગે છે એક ક્ષણ કે આ દુનિયા, સપ્તરંગી રંગોથી ભરેલી છે !

આંખનો પલકારો પડતાં જ જાણે દુનિયા બેરંગ બની ગઈ હોય એવું લાગે.

શું સત્ય છે ? શું હકીકત છે ? સમજાતું નથી આજ,

જીવનને સવારવામાં જ મૃત્યુ ક્યારે આવીને ઊભું રહેશે સમજાતું નથી આજ. 

નથી સમજાતું કે,

સૃષ્ટિનાં કણ-કણમાં તારો વાસ છે,

છતાંય જ્યાં જોઉં છું ત્યાં કઠોર દયાહીન શૂન્યતા વ્યાપેલી દેખાય છે.

કરું છું પ્રાર્થના, આ જગતના નાથ ને,

તારી બનાવેલ આ દુનિયામાં,

સુખ મેળવવાની લ્હાયમાં અધીરો બનેલો હું,

મને થોડી તારી ભક્તિ તરફ વળવાનો સંકેત આપજે.