સમાજનું દ્શ્ય

સમય ભલે બદલાયો હોય,

પણ તમે ક્યાં બદલાયા છો ?

જમાનો ભલે ખરાબ હોય,

પણ તમે ક્યાં સુધાર્યા છો ?

દુનિયા ભલે સ્વાર્થી હોય,

પણ તમે ક્યાં નિઃસ્વાર્થ છો ?

ધર્મમાં ભલે ધતિંગ હોય,

પણ તમે ક્યાં રોકો છો ?

સંસ્કારો ભલે ન રહ્યાં હોય,

પણ તમે ક્યાં અપનાવો છો ?

ભ્રષ્ટ્રાચાર ભલે વધી ગયો હોય,

પણ તમે ક્યાં પ્રમાણિક છો ?

ખાનદાની ભલે રહી ન હોય,

 પણ તમે ક્યાં પાછી લાવ્યા છો ?

વિશ્વાસ ભલે રહ્યો ન હોય, 

પણ તમે ક્યાં મૂકી શકો છો ?

જુલ્મો ભલે વધી રહ્યાં હોય ?

પણ તમે કારણ કયાં શોધો છો ?

સમાજ ભલે અજ્ઞાન હોય 

પણ તમે ક્યાં ગુરુ બન્યા છો ?

પાપ ભલે વધી ગયું હોય,

પણ તમે ક્યાં પવિત્ર રહ્યાં છો ?

"મુરલી" ભલે આ વાતો જ હોય,

પણ તમે ક્યાં સમજી શકો છો ?