શું કરી શકાય

મકાન સળગી ઊઠે તો વીમો લઈ શકાય, 

જ્યારે સ્વપનાં સળગે ત્યારે શું કરી શકાય ?

આકાશ વરસે તો છત્રી ઓઢી શકાય,

જ્યારે આંખ વરસે ત્યારે શું કરી શકાય ?

સિંહ ગર્જના કરે તો દોડી શકાય,

જ્યારે અહંકાર ગર્જે ત્યારે શું કરી શકાય ?

ગંદા - મેલા કપડાં તો ધોઈ શકાય,

જ્યારે મન મેલું થાય ત્યારે શું કરી શકાય ?

દર્દ હશે તો દવા લઈ શકાય,

જ્યારે વેદના હોય ત્યારે શું કરી શકાય ? 

"નાના" કાંટો ખૂંચે તો કાઢી શકાય, 

જ્યારે કોઈની વાત ખૂંચે ત્યારે શું કરી શકાય ?