Library
શું કહું
શું કહું
1 min
403
ખુશીની શોધમાં ભટકતા જીવનને શું કહું,
વસંતમાં તારાજ થયેલા એ વનને શું કહું !
તમારી તલાશમાં હવે ભૂલો પડ્યો છું હું,
શોધી ના શકે તમને એ લોચનને શું કહું !
કહેવું ઘણું છતાંય મૌનનો પહેરો છે હવે,
રાઝ ધરબીને બેસેલા મારાં મનને શું કહું !
જિંદગીમાં થોડા હાસ્યની પ્યાસ રહી છે,
સદાય મારો સાથ આપતા રુદનને શું કહું !
લાચાર બનીને રહેવું પડશે હવે તો 'ઉમંગ',
હું ઓશિયાળો બની ગયેલા વદનને શું કહું !
