હે ઈશ્વર !

હે ઈશ્વર ! તારા સરનામે કરુ છું એક પોસ્ટ

મળે જો સમય તો આપજે ને એકાદ જવાબ

તે તો બનાવ્યા માણસ સૌ સરખા

તો ધરતી પર કેમ ભેદ જુદાં જુદાં ?

તારે ચોપડે તો થાય છે હિસાબ કર્મના

તો અહિ કેમ સત્યના માર્ગે ખૂબ કાંટા ?

છે અમીર પાસે ધન સંપત્તિ સઘળા

કેમ ગરીબને ઝૂપડે તેલના ટીપાં દોહ્યલાં ?

નર ને નારી એ તો રથનાં બે સરખાં પૈડાં

તો કેમ સરે આમ લૂંટાય છે ચીર નારી તણાં ?

હે ઈશ્વર મળે જો સમય તો આપજે જવાબ

તારી બનાવેલી દુનિયામાં કેમ માનવ સૌ ઉલ્ટા ?