શું ખરેખર આપણે આઝાદ છીએ ?

થયા આઝાદ અંગ્રેજોથી 

સંકુચિત મનનાં ગુલામ છીએ !

શું ખરેખર આપણે આઝાદ છીએ..?

યુવાધન અથડાતું દિશાવિહીન

ચારેકોર લાંચરુશ્વતનું રાજ છે !

શું ખરેખર આપણે આઝાદ છીએ..?

ધર્મનિરપેક્ષ આપણો દેશ

હિંદુ મુસ્લિમનાં રમખાણ છે !

શું ખરેખર આપણે આઝાદ છીએ..?

બાળદિવસ ઉજવાતો ઠાઠથી

બાળકીઓ રોજ ચૂંથાંય છે !

શું ખરેખર આપણે આઝાદ છીએ..?

સાદગીની ઓળખ ખાદી

રાજકારણીઓની ઓળખ મનાય છે !

શું ખરેખર આપણે આઝાદ છીએ..?

સમાનતાનાં આગ્રહી આપણે

નોકરીના વેતનમાં અંતર રખાય છે !

શું ખરેખર આપણે આઝાદ છીએ..?

શક્તિનાં ઉપાસક આપણે

નારીનું શોષણ રોજ થાય છે !

શું ખરેખર આપણે આઝાદ છીએ..?

વીર શહીદો પૂછે એક પ્રશ્ન

શું સહાદત અમારી વ્યર્થ છે..?

શું ખરેખર આપણે આઝાદ છીએ..?