સાત રંગોનાં સપનાં…
સાત રંગોનાં સપનાં…
મિલન આપણું આનંદ વર્ષા
હૈયે હરખ ઝરણાં
સાત રંગોનાં સ્વપ્નો ઓઢી
ઝૂલાવે જીવન ઝૂલણાં,
શિશિર વાયરે હૂંફ શોધીએ
મીઠી વાતોના ટહુકા
શૈશવની નિખાલસતા સંગે
પગલી ખેલે લટુકા,
મખમલિયા કુંપળની કુમાશે
ઝૂલાવે વસંત હિંડોળા
કેસૂડા કામણગારા ઝૂમી
જોબનને લલચાવે ધીરા,
નજર રમે ત્યાં હસે ચાંદલિયો
ઝરુખે ટમટમ યાદો
દૂર દૂર તારલિયે ગૂંથું ભાતું
આ રુપેરી રે વ્હાલી સોગાદો.