ઋણી
ઋણી
પિતા જેવું કવચ,
ન થતું ન થશે કદી
હાજરીથી આત્મબળ, મનોબળ વધતું સદાય,
પિતા નામનું અસ્તિત્વ,
ગુઢ, ગુહ્લ ને કઠોર ભલે,
બાળક માટે સુરક્ષા, બનીને જ રહેતું સદાય,
આત્મરક્ષા, કુટુંબરક્ષા,
શિખવાડ્યું સદા,
પ્રકૃતિરક્ષા, દેશરક્ષા, દેશભક્તિ વણાઈ સદા,
હયાતીમાં તો હોય !
પછીય અનુભવાતું સદાય,
પિતા એક ભાવ બની જોમ જુસ્સો અર્પે સદા,
માતા-પિતા ગૌરવ મારું,
હું પિતાનું ગુરુર સદાય,
સૌની સ્વતંત્રતા માટે, પ્રયાસરત રહીશ સદાય,
પિતા જેવી સુરક્ષા,
ને વળી આશિષ સદા,
ન ભૂતો ન ભવિષ્યતિ, એવી સફળતા અર્પતુ સદા.