રહસ્ય

રહસ્ય પર પડદો પડે છે કેમ ?

ને હૃદયે ધ્રાસ્કો પડે છે કેમ ?

 

આતો વાત હતી બ્રહ્માંડ લોકની, 

અવકાશે સૂર્ય અધ્ધર ફરે છે કેમ ?

છે ચાંદની પુરી અવકાશી સફરે

પછી ઝાકળે ચાંદની ભરે છે કેમ ?

તારલિયા નાના, ટીમટીમ આકાશે

સૂર્યથી પણ મોટા, એવું બધા કહે છે કેમ ?

મંગળ ને વલયદાર શનિ ક્યાં નજરે દેખાય ?

પછી હાથની રેખાએ બની નસીબ, નડે છે કેમ ?

સુંદર આકાશગંગાઓ દૂરબીને દેખાય,

નરી આંખે ફક્ત તારલાઓ જડે છે કેમ ?

શુ વિસાત આ બ્રહ્માંડની સામે આપણી ?

છતાંય માનવમાં "અહંભાવ" જડે છે કેમ ?