પવિત્ર પ્રેમ

મારું હૃદય ત્યારથી મંદિર સમ લાગે છે,

જ્યારથી તેમાં તમારો વાસ થયો લાગે છે !

વસાવ્યા જ્યારથી તમને પ્રાણ પ્રતિષ્ઠા કરીને,

અમારા પ્રાણમાં પ્રેમનો પવિત્ર ભાવ લાગે છે !

સ્તુતિ તમારા જ ગુણની હું કરું દિનરાત,

એટલે બાકી દુનિયાને મારો થાક લાગે છે!

આખો દિવસ તમારા ભક્તિભાવમાં લીન રહુ,

એટલે દુન્વયી દુનિયાથી હવે થોડો વૈરાગ લાગે છે !

આત્માથી જોડાયા જાણે ભવો ભવના સાથી,

એટલે મોક્ષ આજે અહીં જ મળતો લાગે છે !

તમે પણ વસાવશો અમને તમારા મન મંદિરમાં,

એ વાત પર હવે મને વિશ્વાસ લાગે છે !