રૂપની મહારાણી

તારી મસ્ત અદાઓથી હું,

બની ગયો છું મસ્તાનો,

મસ્તીમાં ઝૂમતા-નાચતા હું,

બની ગયો છું દિવાનો.

ઓ સુંદર મતવાલી નારી,

તુ છો રૂપની મહારાણી,

આંખ શરાબી, ગાલ ગુલાબી,

લાગે છે મુજને વ્હાલી.

તારા સૂરીલા ટહૂંકા થઈ હું,

મધુર તરાનો ગાનારો,

મસ્તીમાં ઝૂમતાં-નાચતાં હું,

બની ગયો છું દિવાનો.

હ્રદય દ્વારે આવકારી તુજને,

પ્રેમથી ઝુલાવનારો,

તારા હ્રદયની ધડકન સાથે,

તાલને મેળવનારો.

ન તરસાવ "મુરલી" મુજને હું,

પ્રેમમાં તડપનારો,

મસ્તીમાં ઝૂમતા-નાચતા હું,

બની ગયો છું દિવાનો.