ઝાંખી

મારા બાળપણની આજ ઝાંખી હું કરાવું,

મારા આગવા અંદાજની પ્રતીતિ હું કરાવું.

પપ્પાની લાડલી ને થોડી ગામ ફઈ કહેવાઉં,

મારી આ નૌટંકી અદાની ફોરમ બધે હું પ્રસરાવું.

ભાઈ બહેનની દરેક ખુશીની ભાગીદાર બની જાઉં,

તોય એમના માટે હું ખાસ,

ને એમનો શ્વાસ બનતી જાઉં.

મમ્મી મારી વહાલી એ વહાલપમાં ખોવાઈ જાઉં,

ગુસ્સો એની ઉપર ઉતારી પ્રેમ એનામાં હું બતાવું.

એક એક પળ નિરાળો બનાવી હસતી હું રહું,

મારી દુનિયામાં તમારી અનેરી ખુશીઓ હું મહેકાવું.