યાદ આવે છે પપ્પા

હંમેશા યાદ આવે છે પપ્પા તમારી બધી વાતોની,

જીવ્યા હતા સંગ જે પળો એની મધુર યાદોની,

કર્યા હતા પૂરા અમારા જે સપના એ સોગાતોની,

એના માટે આપ્યું જે બલિદાન એના પાછળ રહેલી એ તકલીફોની,

વૃક્ષ બનીને સહ્યા તમે જે તડકા છાયા એ મોસમોની,

તોય અમને ના આવવા દીધો જરાય અણસાર એ ત્યાગોની,

બની રહ્યા હંમેશા પ્રેરણામૂર્તિ એ પ્રોત્સાહનોની,

અમારી ખુશીમાં છલકાઈ ઊઠતી તમારી બે આંખોની,

ખાસ યાદ આવે છે પપ્પા તમારી બહુમૂલ્ય હાજરીઓની,

જ્યારે આંગણે આવી ઊભા રહે કોઈ અવસર એમાં પડતા તમારા અભાવોની..!