કોકટેલ જિંદગી

સૂરજના સોનેરી ઝગમગતા કિરણોમાં,

જિંદગી કોકટેલ છે, ઝાકળની બુંદમાં !

ખીલતા ગુલાબની મ્હેંકતી ફોરમમાં,

જિંદગી કોકટેલ છે, ફૂલોના રસમાં !

મંદમંદ વા'તા એ વાસંતી વાયરામાં, 

જિંદગી કોકટેલ છે, પાનખરે પર્ણમાં !

ઝરમર વરસતી આ વરસાદી પળમાં,

જિંદગી કોકટેલ છે, માટીની સુગંધમાં !

સરકતી વહેતી કિનારાની રેતમાં,

જિંદગી કોકટેલ છે, સાગરની લહેરમાં !

સંગીતના સૂરોની રંગીન મહેફિલમાં,

જિંદગી કોકટેલ છે, શબ્દના લયમાં !

ટમટમતા તારલાની રોશની રાતમાં,

જિંદગી કોકટેલ છે, છલકાતા જામમાં !

જીવનની મઝધારે આથમતા મેળામાં,

જિંદગી કોકટેલ છે, મોતની આગોશમાં !