એક સૈનિક...

હદયમાં વતનની માટીની સુગંધ ભરી જીવું છું,

સઘળી ઈચ્છા મારી વતન માટે કુરબાન કરી જીવું છું.

ઠંડી, તાપ, વરસાદ કે કોઈ પણ પરિસ્થિતિ આવે,

મારી ફરજને જ સર્વોચ્ચ સ્થાન આપી હું જીવું છું.

મહિનાઓ થાય કે થાય વર્ષો પરિવારને જોયા વિના,

મીઠી યાદોના સહારે ફરજના સન્માન માટે જીવું છું.

દેશની સુરક્ષા ને અખંડિતતા જ છે જીવનમંત્ર મારો,

એ જ ધ્યેય પૂરું કરવા રાત દિવસ એક કરી હું જીવું છું.

આમ તો એક અદનો સૈનિક જ છું મા ભોમનો ખાલી,

પણ વતનના એક એક નાગરિકના વિશ્વાસ માટે જીવું છું.