પૂછે
પૂછે
સ્વાર્થ પૂછે પરમાર્થ ને કેથી કરીએ નેહ ?
મન હોય ધોળાં દુધડાં, ભલે કલા ભ્મમર દેહ.
સ્વાર્થ પૂછે પરમાર્થ ને કેના કરીએ સંગ ?
પંડ પડે પણ પડવા ન દે, સાથ દિયે જગજંગ.
સ્વાર્થ પૂછે પરમાર્થ ને કેવા ધરીએ રંગ ?
ચડે ચડે ને ઉતરે એને અડવા ન દીએ અંગ.
સ્વાર્થ પૂછે પરમાર્થને કોણ સબંધનું સેણ ?
પરમાર્થને પંડનો જાણે ભલે દિ હોય કે રેણ.
સ્વાર્થ પૂછે પરમાર્થ ને કે કોના કરીએ વિશ્વાસ ?
રાખે સખાવત સખી સમી છેલ્લો લેતાં શ્વાસ.
સ્વાર્થ પૂછે પરમાર્થ ને કે કોણ દીએ દુઃખ ?
આશા, તૃષ્ણા, અભરખા ને અંત ઘણેરી ભૂખ.
સ્વાર્થ પૂછે પરમાર્થ ને શું શું વદીએ મુખ ?
સાચું કહેવું સાચવી ને જૂઠમાં રહીએ ચૂપ.