એજ નથી સમજાતું

આ જિંદગી છે અટપટો ખેલ,

કેવી રીતે રમવો એ જ સમજાતું નથી.

નચાવે રોજ જિંદગી આમ,

કોને જઇને કરવી ફરિયાદ એ જ સમજાતું નથી.

શું જોડવું અને શું તોડવું,

આ તોડજોડની બાબત માં અડગ રહેવું, કેમ ?

એજ સમજાતું નથી.

આ કાણું પડ્યું આ ભાગ્યની નાવમાં,

આ તૂટેલી નૈયા વડે ભવસાગર પાર કરવો કેમ,

એજ સમજાતું નથી.

એક દુઃખનાં ઊંટ ને બેસાડું,

ત્યાં બીજું ઉભુ થાય,

આ દુઃખનાં ડુંગરને પાર કરવો કેમ ?

એજ નથી સમજાતું.

પારકાને પોતાના બનાવું ત્યાં તો,

પોતાના રિસાઈ જાય,

સુખ સંતાકૂકડી રમે મારી સાથે,

એને શોધવું કેમ ? એજ નથી સમજાતું.

ક્યારેક જોકર બનાવી દેય, ક્યારેક હીરો,

ક્યારેક વિલન બનાવી દેય તો ક્યારેક ઝીરો,

આ સમયનો અસલી ચહેરો જોવા કરવું શુ ?

એજ નથી સમજાતું.