ભૂલી નથી શકાતો

વીતેલા સમયને રોકી નથી શકાતો

પાણીમાં જેમ બાંધીએ પાળ

એમ સમયને બાંધી નથી શકાતો

ચડાવ ઉતાર તો આવ્યા કરે જીવનમાં

પણ મળે જે ઊંડો ઝખ્મ અંગત દ્વારા

એ ભૂલી નથી શકાતો

રૂઠી જાય જ્યારે કોઈ પોતાનું

ત્યારે આંસુ ઓનો દરિયો,

રોકી નથી શકાતો

ભલે આપે અનહદ ઘાવ

પણ દિલ સાથે જોડાયેલા નાતાને

તોડી નથી શકાતો

પર્વતમાંથી નીકળતું ઝરણું,

નદી બની ભળી જાય છે સાગરમાં

ઝરણાનો પર્વત સાથેનો નાતો તોડી નથી શકાતો

ચાહ્યો છે જેને દિલથી

ભલે ને એ લાખો ગાઉં દૂર હોય

તોયે એ ચહેરો ભૂલી નથી શકાતો