પરણવા જઈ રહી છે !
પરણવા જઈ રહી છે !
અમારા ખભા પર બેસી ને ફરનારી
પતિના ખભાથી ખભો મિલાવવા જઈ રહી છે,
અમારા સૌના શિશ નો તાજ છે જે,
આજે એમના ઘરની લાજ બનવા જઈ રહી છે,
અમારા ઘરની નટખટ રાજકુમારી છે જે,
એ આજે નવા ઘરની રાણી બનવા જઈ રહી છે,
જેની સાથે અમે સૌ હસતા ગાતા
એ આજે સાસરિયાંનું સંગીત બનવા જઈ રહી છે,
અમારા ઘરની મોંઘેરી ધરોહર સમાન
એ આજે સાવ પારકી થાપણ બનવા જઈ રહી છે,
હા અમારા ઘરની લાડકી દીકરી
આજે પ્રફુલના ઘરનું 'ભાવિ' બનવા જઈ રહી છે,
છે જે અમારા બાપાના કાળજાનો કટકો
એ આજે તો ખુશીઓને પરણવા જઈ રહી છે.