પ્રકૃતિમાં છે ચારેકોર સંગીત

આજ તો પડી અનોખી ભોર,

થનગનાટ કરે હૈયું બની મોર,

જ્યાં જુવો ત્યાં આનંદ ચારેકોર,

સૂરજ લાવ્યો સોનેરી કિરણ,

જોને આ ફૂલો પર ચમકે એમ,

જાણે કોઈ મુગ્ધાનાં ગળામાં મોતીની માળા

આ હવાના તરવરાટમાં છે સંગીત,

આ પંખીના ટહુકામાં છે સંગીત,

આ ખળ ખળ વહેતા ઝરણામાં સુંદર સંગીત,

આ નદીઓનાં નીરમાં છે અદ્ભૂત સંગીત,

આ પનિહારીનાં કંગનના રણકારમાં છે,

ચુંબકીય સંગીત,

આ પનિહારીના ઝાંઝરના ઝણકારમાં છે,

કર્ણપ્રિય સંગીત,

આ પર્ણોના ફર ફર ફરકવામાં છે,

સુમધુર સંગીત,

પ્રકૃતિમાં જ્યાં જુવો ત્યાં સુમધુર સંગીત,

માનવીના ધબકારમાં અદ્ભૂત સંગીત,

ઈશ્વર છે શ્રેષ્ઠ સંગીતકાર,

એના હરેક સર્જનમાં છે સુમધુર સંગીત.