પિતા ઈશ્વરનું વરદાન

પિતા ઘરનો મોભ, ઘરનું માન છે;

પિતા ઘરની શાન, ઘરનું સન્માન છે,

પિતા પરિવારની હિંમત, પહેચાન છે;

પિતા મારો વિશ્વાસ, મારી જાન છે,

બાલ્યાવસ્થાથી એકલ પંડે ઉછેરી છે;

બીજને પોષી, ફળીફૂત કરી, નવપલ્લિત કરી છે,

પિતા મારી વાત સમજી, સમજાવે છે;

પિતા મારા એક સાચા મિત્ર છે,

પિતા હર મુશ્કેલીમાં, મારી હિંમત છે;

પડખે હિમાલય બની, આંધી રોકે છે,

પિતા પોતાના દર્દ, દિલમાં છૂપાવે છે;

ચહેરા પર સ્મિત લાવી, મને ખુશી આપે છે,

પિતા એ ધરતી પર, ઈશ્વરે અર્પેલું વરદાન છે;

પિતાનું માન-સન્માન, ઈશ્વરની પૂજા છે,