ફૂલોની દુનિયા

જુઓ આજ નાચે છે ફૂલોની દુનિયા,

મસ્ત બની રાચે છે ફૂલોની દુનિયા.

‘સાગર’ આ ફૂલો ટમટમતા તારલા,

દુનિયાને વાંચે છે ફૂલોની દુનિયા.

ક્યાંય નહિ ઝૂકે આ ફૂલોની દુનિયા,

સૌંદર્ય નહિ મૂકે આ ફૂલોની દુનિયા.

‘સાગર’ જગમાં એની અનેરી અમીરાત,

ભાવ નહિ ચૂકે આ ફૂલોની દુનિયા.

સંગીતના સપ્તસૂર ફૂલોની દુનિયા,

ભાવનાનું ઘોડાપૂર ફૂલોની દુનિયા.

‘સાગર’ આ દુનિયા છે ખૂબ નિરાળી,

નિરાશાને કરે ચૂર ફૂલોની દુનિયા.