ફાવી ક્યાં શકાય છે !

આ જગતને કશું સમજાવી ક્યાં શકાય છે,

મારાંથી એ જગ્યાએ ફાવી ક્યાં શકાય છે !

પછી હું મુશ્કેલીને ખંખેરી હળવો કેમ થાઉં,

વ્હેતા પાણીમાં વેદના વહાવી ક્યાં શકાય છે !

ધારું તો ઈશ્વરને કહું, મને ઈશ્વર બનાવી દે,

પણ આ બાબતે એને શરમાવી ક્યાં શકાય છે !

સ્વર્ગ મળે એવી કલ્પના હું રોજ કરું છું પણ,

જીવીત રહીને ત્યાં ઘર વસાવી ક્યાં શકાય છે !

તમે થયાં આભ અને અમે ધરતી બની ગયાં,

તમારી સાથે અમને સરખાવી ક્યાં શકાય છે !