મન થાય
મન થાય
પેલા પંખીડાની પાંખો જોઈને મને ઊડવાનું મન થાય
પેલા સસલાની આંખો જોઈને મને જોવાનું મન થાય,
પેલી માછલીના રંગો જોઈને મને તરવાનું મન થાય
પેલી ખિસકોલીની ચંચળતા જોઈને મને મળવાનું મન થાય,
પેલા મોરના પીછાં જોઈને મને અડવાનું મન થાય
પેલી કોયલના ટહુકા સાંભળીને મને ગાવાનું મન થાય,
પેલાં નાના બાળકોને જોઈને મને સાથે રમવાનું મન થાય
પેલી સુંદર ચકલી જોઈને મને ચણવાનું મન થાય,
પેલા કુદરતની રચના જોઈને મને જીવવાનું મન થાય.